आकाशगंगा प्रेरित बँकिंग नवोपक्रम : स्टेट बँक ऑफ इंडियाचा ७१ वा स्थापना दिन उत्साहात साजरा
निर्भीड पत्रकार न्यूज नेटवर्क
प्रतिनिधी, स्वप्निल इंगळे
दि.०२.०७.२०२६
पिंपरी-चिंचवड – देशातील सर्वात मोठी सार्वजनिक क्षेत्रातील बँक स्टेट बँक ऑफ इंडिया (SBI) चा ७१ वा स्थापना दिन उत्साहपूर्ण वातावरणात साजरा करण्यात आला. यानिमित्त विविध शाखांमध्ये ग्राहक, कर्मचारी आणि मान्यवरांच्या उपस्थितीत विविध उपक्रमांचे आयोजन करण्यात आले.कार्यक्रमात बँकेच्या वाटचालीचा आढावा घेण्यात आला. ग्राहकांना अधिक चांगल्या व आधुनिक सेवा देण्यासाठी सुरू असलेल्या डिजिटल बँकिंग, नवोपक्रम आणि ग्राहकाभिमुख सेवांची माहिती देण्यात आली. तसेच उत्कृष्ट कामगिरी करणाऱ्या कर्मचाऱ्यांचा गौरव करून त्यांच्या कार्याचा सन्मान करण्यात आला.यावेळी शाखेतील अधिकारी व कर्मचाऱ्यांनी ग्राहकांना सुरक्षित, पारदर्शक आणि विश्वासार्ह बँकिंग सेवा देण्याचा संकल्प व्यक्त केला. डिजिटल व्यवहारांना प्रोत्साहन देत ग्राहकांनी सुरक्षित बँकिंगचा अवलंब करावा, असे आवाहनही करण्यात आले.कार्यक्रमाला शाखा व्यवस्थापक, अधिकारी, कर्मचारी, ग्राहक तसेच विविध क्षेत्रातील मान्यवर मोठ्या संख्येने उपस्थित होते.
