अटल बिहारी वाजपेयी यांच्या पुतळा उभारणीप्रकरणी आर्थिक अनियमिततेचा संशय; निष्पक्ष चौकशीची मागणी
निर्भीड पत्रकार न्यूज नेटवर्क
प्रतिनिधी, जितेंद्र तायडे
दि.३१.०७.२०२६
पुणे – छत्तीसगडमधील कोरबा येथे भारताचे माजी पंतप्रधान दिवंगत अटल बिहारी वाजपेयी यांच्या नावाने उभारण्यात आलेल्या ब्राँझ पुतळ्याच्या कामाबाबत आर्थिक अनियमिततेचा संशय व्यक्त करण्यात आला आहे. या प्रकरणामुळे स्थानिक पातळीवर चर्चेला उधाण आले असून, संबंधित कामाची निष्पक्ष चौकशी करण्याची मागणी करण्यात आली आहे.
समोर आलेल्या माहितीनुसार, नगरपालिकेने ब्राँझ पुतळा उभारल्याचा दावा केला असला तरी प्रत्यक्षात पुतळ्याच्या निर्मितीत निकृष्ट दर्जाचे साहित्य किंवा काँक्रीटचा वापर झाल्याचा आरोप करण्यात आला आहे. यामुळे शासकीय निधीच्या वापराबाबत प्रश्नचिन्ह निर्माण झाले असून, सुमारे ₹ 13.60 लाखांच्या आर्थिक अनियमिततेचा संशय* व्यक्त केला जात आहे.
विशेष म्हणजे, भाजप जिल्हाध्यक्ष गोपाल मोदी यांनी २९ जुलै २०२६ रोजी कोरबा जिल्हाधिकाऱ्यांना अधिकृत पत्र देत या प्रकरणाची निष्पक्ष चौकशी करून दोषींवर कठोर कारवाई करण्याची मागणी केली आहे. पत्रामध्ये पुतळ्याच्या उभारणीत आर्थिक अनियमितता झाल्याचा संशय व्यक्त करण्यात आला असून, सार्वजनिक निधीचा गैरवापर झाल्यास संबंधितांवर कारवाई करण्याची मागणी करण्यात आली आहे. या प्रकरणाची सखोल चौकशी होऊन वस्तुस्थिती जनतेसमोर यावी, अशी मागणी होत आहे
