(निर्भीड पत्रकार न्यूज नेटवर्क) प्रतिनिधी – जुबेर शेख
जुन्नर, 29 जुलै २०२४ – शिवनेरी किल्ल्यावर दरड कोसळल्यामुळे पर्यटनासाठी ३१ जुलैपर्यंत बंदी घालण्यात आली आहे. जिल्हा प्रशासनाने खबरदारीचा उपाय म्हणून हा निर्णय घेतला आहे.
गेल्या काही दिवसांपासून झालेल्या मुसळधार पावसामुळे किल्ल्याच्या परिसरात दरडी कोसळण्याच्या घटना वाढल्या आहेत. त्यामुळे पर्यटकांच्या सुरक्षिततेच्या दृष्टिकोनातून प्रशासनाने हा निर्णय घेतला आहे.
जिल्हाधिकारी कार्यालयाने पर्यटकांना अपील केले आहे की, “शिवनेरी किल्ल्यावर येऊ नये आणि आपल्या सुरक्षेसाठी प्रशासनाच्या सूचनांचे पालन करावे. कोसळलेल्या दरडींमुळे मार्ग अवरोधित झाले आहेत आणि किल्ल्यावर जाणे धोक्याचे आहे.”
पर्यटन बंदीमुळे स्थानिक व्यापाऱ्यांना काही काळ अडचणींचा सामना करावा लागणार असला तरी, पर्यटकांच्या सुरक्षिततेसाठी हा निर्णय अत्यंत आवश्यक असल्याचे प्रशासनाने स्पष्ट केले आहे. प्रशासनाने किल्ल्याच्या परिसराची तपासणी करून दरडी हटवण्याचे काम सुरू केले आहे.
पर्यटनास बंदी असतानाही, जिल्हा प्रशासनाने पर्यटकांना धीर धरावा आणि परिस्थिती सुधारल्यानंतर पुन्हा शिवनेरी किल्ल्याला भेट द्यावी, असे आवाहन केले आहे.
